ប៉េងបោះជាផ្លែឈើមួយប្រភេទ ដែលគេអាចយកទៅធ្វើជាន្លែសម្រាប់ម្ហូបជាច្រើនមុខ ប៉ុន្តែថ្ងៃនេះ ដែនដីសុវណ្ណ នឹងបង្ហាញពីវិធីធ្វើម្ហូបមួយមុខទៀតដែលផ្សំឡើងពីផ្លែងប៉េងបោះនេះ គឺ ស្ងោរប៉េងប៉ោះញាត់សាច់។ ដូច្នេះចង់ដឹងថាម្ហូបមួយមុខនេះគេត្រូវធ្វើយ៉ាងណាខ្លះ សូមអនុវត្តទាំងអស់គ្នាដូចខាងក្រោម៖
ស្នូល៖
- សាច់ជ្រូកចិញ្ច្រាំ ២ខាំ
- ម្សៅឆា ១ស្លាបព្រាកាហ្វេ
- មីសួរត្រាំទឹកក្តៅ ១ក្តាប់
- ខ្ទឹមក្រហម ៣មើប
- ស្លឹកខ្ទឹម ៣ដើម
- ពងទា១
- ម្រេច ចុងស្លាបព្រាកាហ្វេ
- អំបិល ចុងស្លាបព្រាកាហ្វេ
- ស្ករ ចុងស្លាបព្រាកាហ្វេ
- ផ្សិតចំបើងចិញ្ច្រាំ ១ក្តាប់
- ប៉េងប៉ោះទុំ ៤-៥ផ្លែ
- ប្រេងឆា ៣ស្លាបព្រា
របៀបធ្វើ៖
១. លាងប៉េងប៉ោះ ឆ្កៀលយកគ្រាប់ចេញ លាងអោយស្អាត។
២. លាយសាច់ជ្រូកនឹងគ្រឿងទាំងអស់ ចូលអោយសព្វ ហើយយកទៅញាត់ក្នុងផ្លែប៉េងប៉ោះ។
៣. ដាក់ឆ្នាំងកំដៅភ្លើងអោយក្តៅ ចាក់ប្រេងឆាចូល រួចដាក់ប៉េងប៉ោះញាត់សាច់ចូល។
៤. ចៀនអោយក្រហម រួចសឹមចាក់ទឹកដាក់ស្ងោរ អោយពុះឆ្អិនសាច់។
៥. ថែមអំបិលស្ករ ទៅក្នុងទឹកស្ងោរ រួចភ្លក្សសាបប្រៃថែមថយតាមចំណូលចិត្ត៕
ប្រភព www.mungkulkar.com
0 comments:
Post a Comment