- ភ្លេចបរិភោគអាហារ : ជម្ងឺស្នេហានេះ មានឥទ្ធិពលណាស់។ អ្វីដែលខ្ញុំចង់និយាយនៅពេលនេះ គឺថា មនុស្សគ្រប់គ្នាតែងតែខ្វល់ខ្វាយពីអាហារប្រចាំថ្ងៃ តាមពេលវេលា ដែលមានទាំងអាហារពេលព្រឹក ថ្ងៃត្រង់ និងល្ងាច។ តែសម្រាប់មនុស្សមានស្នេហាគឺមិនបានខ្វល់ពី ការបរិភោគអាហារ ឬពេលវេលាសម្រាប់បរិភោគអាហារឡើយ។
- ញញឹមដោយមិនដឹងខ្លួន : អ្នកហាក់ដូចជាមានលក្ខណៈខុសពីមុន។ អារម្មណ៍ល្អបានកើតឡើងនៅក្នុងចិត្ត។ អ្នកនឹងអាច ញញឹម ឬសើចឡើងដោយមិនដឹងខ្លួន ដែលអាចថា ខួរក្បាលកំពុងរំពៃទៅកាន់រឿងស្នេហាស្ទើរគ្រប់ពេល។
- មិនហ៊ានសម្លឹងមើលមនុស្សម្នាក់ដោយចំៗ : រំពេចនោះ អ្នកមិនអាចទៅរួចទេ ដើម្បីធ្វើការសន្ទនាមួយដ៏ពេញលេញ និងសមរម្យជាមួយមនុស្សដែលអ្នកកំពុងតែស្រឡាញ់។ ពីព្រោះអ្នកខ្លាច បើសិនជាអ្នកសម្លឹងមើលចំភ្នែករបស់គេ។ គេនឹងអាចដឹងពីអារម្មណ៍របស់អ្នក តាមរយៈភ្នែកនេះឯង។ ជាគំនិតល្អ អ្នកអាចនិយាយដោយសម្លឹងមើលទៅកាន់ថ្ងាសរបស់គេ។
- គិតអំពីការស្លៀកពាក់ : បើសិនជាកាលពីមុនអ្នកមិនធ្លាប់ជាមនុស្សដែលឡូយឆាយទេ មកដល់ពេលដែលអ្នកកំពុងមានស្នេហានេះ អ្នកនឹងអាចតុបតែងខ្លួនខុសពីធម្មតា។ អ្នកចាប់ផ្ដើមគិតថា តើសម្លៀកបំពាក់ប្រភេទណា ដែលគេចូលចិត្ត? ចង់ស្លៀកពាក់ខោអាវស្អាតៗជាងមុន ឬអាចបន្ថែមការរចនាទៅលើសក់របស់អ្នកផង។
- នឹកគេ ពេលដែលអ្នកមិនបាននៅក្បែរខ្លួនគេ : បើសិនជាអ្នកកំពុងតែស្រឡាញ់គេ ច្បាស់ណាស់អ្នកអាចនឹងសប្បាយរីករាយ ពេលនៅទីកន្លែងណាមួយ, ក្នុងថ្នាក់, ទីធ្លាសាលា ឬអាចក្នុងហាង។ ពេលដែលមិនបាននៅក្បែរគេ អ្នកនឹងមានអារម្មណ៍ថា ធុញថប់ ឬមានអារម្មណ៍ថា ពេលវេលាហាក់ដូចជាមានរយៈពេលវែងណាស់។
- ច្រណែននឹងអ្នកផ្សេង : ការច្រណែនៅទីនេះ ខ្ញុំចង់និយាយដល់ការដែលអ្នកមានអារម្មណ៍គិតតែឯង ច្រណែននឹងអ្នកផ្សេង។ ឧទាហរណ៍ថា បើសិនជាមនុស្សដែលអ្នកស្រឡាញ់ បានអញ្ចើញអ្នកផ្សេងឲ្យទៅជប់លៀងក្នុងពិធីរបស់គេ តែគេមិនបានអញ្ជើញអ្នកទេ។ ការនេះហើយធ្វើឲ្យអ្នកមានភាពច្រណែន និងអន់ចិត្តជាខ្លាំង និងឆ្ងល់ថា ហេតុអ្វីបានជាគេមិនគិតដល់យើង?
- រៀបចំរបស់របរផ្សេងៗឲ្យមានសណ្ដាប់ធ្នាប់ : ជាការពិតណាស់ ការរៀបចំរបស់របរផ្សេងៗឲ្យមានរបៀបរៀបរយ មិនមែនសុទ្ធតែជាការទាំងស្រុងដែលមនុស្សមានស្នេហាធ្វើនោះទេ តែភាគច្រើនគឺបានធ្វើវា។ ហេតុផលមួយដែលផ្លាស់ប្ដូរពីការខ្ជិលច្រអូសក្នុងការរៀបចំរបស់របរផ្សេងៗ ឬការបោសសម្អាតផ្ទះ ក៏ដូចជាបន្ទប់គេងរបស់យើង គឺយើងគិតថា មនុស្សដែលយើងកំពុងតែស្រឡាញ់អាចនឹងមកលេងផ្ទះរបស់យើងក្នុងពេលណាមួយ។
ប្រភព៖ Care2
0 comments:
Post a Comment